E-sosial.az-a 11 milyona yaxın müraciət edilib

"Ölkə.Az" xəbər verir ki, bu barədə Nazirliyin tabeliyindəki DOST Rəqəmsal İnnovasiyalar Mərkəzinin (DOST RİM) direktoru Kənan Əkpərov sosial sahədə elektronlaşma proqramının icrası ilə bağlı 2022-ci il üzrə görülən işlər və qurumun hədəflərinə dair keçirdiyi mətbuat konfransında məlumat verib. O bildirib ki, növbəti ildə e-sosial portalının funksionallıqlarının daha da genişləndiriləcək:

"2022-ci ildə ümumilikdə 310 mindən çox şəxsə e-sistemlər üzərindən proaktiv təyinat aparılıb. Növbəti ildən proaktiv təyinat sahəsinin daha da genişləndirilməsi üçün Nazirliyin e-sistemlərində aidiyyat üzrə inteqrasiya və təkmilləşmə işləri davam etdirilir". 
O, cari ildə Nazirlik üzrə xidmətlərin elektronlaşma səviyyəsinin 90,2 faizə çatdığını vurğulayıb.