DSMF ödənişləri artır - Hökumətə təklif (VİDEO)

Əmək və Əhalinin Sosial Müdafiəsi Nazirliyinin açıqlamasına əsasən, əməkhaqqı artımı 700 min nəfəri əhatə edəcək. Nazir müavini Anar Əliyevin sözlərinə görə, bu artım dövlət sektorunda çalışan 440-450 min şəxsin məvacibinin artmasına imkan verəcək. Həmçinin özəl müəssisə və təşkilatlar belə işçiyə 345 manatdan aşağı həddə əməkhaqqı verə bilməyəcək. Qurum nümayəndəsi qeyd edib ki, bu artım ödənilən məcburi sosial sığorta haqlarının artmasına şərait yaratmaqla pensiya kapitalının daha sürətlə artmasına imkan verəcək.   

Lakin bir sıra ekspertlər hesab edir ki, minimum əməkhaqqı artdıqca başqa bir ciddi problem ortaya çıxır.

İqtisadçı ekspert Samir Əliyevin sözlərinə görə, VÖEN ilə çalışan şəxslər bu aydan etibarən Dövlət Sosial Müdafiə Fonduna Bakı qeydiyyatı üzrə 75 manat əvəzinə 86,25 manat, Sumqayıt qeydiyyatı üzrə 67,5 manat əvəzinə 77,6 manat ödəməli olacaq.

“Üstəgəl icbari tibbi sığorta haqqı 12 manatdan 13,8 manata yüksəlir. Yəni Bakıda işləyənlərin aylıq olaraq hesablarına 100 manat pul gələrsə, üstünə 5 qəpik qoyaraq sığorta ödənişi etməli olacaqlar”.

Bir digər iqtisadçı Natiq Cəfərli isə məsələni daha geniş şərh edib.

Ekspertin fikrincə, minimum əməkhaqqının DSMF-ə ödənişlərlə bağlantısı ilə bağlı qanunda nəzərdə tutulan şərtlər aradan qaldırılmalıdır.