Bakıda 17 bina istiliksiz qalıb - YENİLƏNİB
Bakı şəhərinin Nizami rayonunda istilik xəttində aparılan təmir işləri yekunlaşıb. Bu barədə "Ölkə.Az"a "Azəristiliktəchizat" ASC-dən məlumat verilib. Bildirilib ki, istilik xəttinin doldurulması başlanıb və yaxın dəqiqələrdə binaların istilik təchizatı tam bərpa ediləcək. Qeyd edək ki, Nizami rayonunda istilik xəttində baş verən axıntı nəticəsində 17 binanın istiliklə təminatında fasilə yaranıb.
***
Səhər saat 06.00-dan 11.30-a qədər "Azəristiliktəchizat" ASC-nin çağrı mərkəzinə 60-dan çox müraciət daxil olub.
Qurumdan "Ölkə.Az"a verilən məlunata görə, müraciətlər daha çox Nizami rayonundan daxil olub:
"Çünki Nizami rayonunda istilik xəttində baş verən axıntı nəticəsində 17 binanın istiliklə təminatında fasilə yaranıb. Qurum əməkdaşları hadisə yerinə gedib və yaxın saatlarda istilik bərpa olunacaq", - deyə açıqlamada bildirilib.
Digər ərazilərdən isə əvvəlki günlərdəki qədər müraciət daxil olduğunu deyən "Azəristiliktəchizat" ASC gücləndirilmiş iş şəraitində çalışdıqlarını əlavə edib: "Qrafikə uyğun olaraq istiliyin verilməsində ciddi problem yoxdur".
Könül
Ölkə.Az
