Şəmkirdə dörd ay öncə törədilmiş tükürpədici cinayətin üstü açıldı
Şəmkir rayonunda bu ilin aprel ayında törədilmiş tükürpədici cinayətin üstü açılıb.
Ölkə.Az xəbər verir ki, Trend-in əldə etdiyi məlumta görə, Şəmkir rayon İrmaşlı kənd sakini, 1983-cü il təvəllüdlü Mirzəyev Fariz Arif oğlu 2015-ci ilin aprel ayında qeyri-rəsmi nikahda olduğu Bahar Hüseynovanın digər kişidən hamilə olub dünyaya gətirdiyi, 2012-ci il təvəllüdlü Nihad adlı oğlunu öldürüb. F.Mirzəyev daha sonra uşağın cəsədini qəbristanlıqda basdırıb.
Şəmkir Rayon Prokurorluğunda hadisə ilə bağlı aparılan araşdırmalardan sonra F.Mirzəyev avqustun 16-da şübhəli şəxs qismində saxlanılıb.
Faktla əlaqədar Cinayət Məcəlləsinin 120.1-ci (Qəsdən adam öldürmə, yəni digər şəxsi qəsdən həyatdan məhrum etmə) maddəsi ilə cinayət işi başlanıb, araşdırma aparılır.
Ölkə.Az
