Azərbaycanda bu sığorta ödənişi 40% artıb
2022-ci ildə xaricdə qeydiyyata alınmış nəqliyyat vasitələri Azərbaycanda 57 yol-nəqliyyat hadisəsinə görə 139,947 min manat sığorta ödənişi həyata keçirib.
“Ölkə.Az” xəbər verir ki, 2021-ci illə müqayisədə qəzaların sayında 21,2%, sığorta ödənişlərində 39,8% artım qeydə alınıb.
Belə ki, 2021-ci il üzrə 47 yol-nəqliyyat hadisəsi üzrə 100,140 manat sığorta ödənişi həyata keçirilib.
2022-ci il ərzində bir hadisə üzrə orta sığorta ödənişi 2.455 manat, 2021-ci il ərzində isə 2.130 manat təşkil edib. Beləliklə, orta sığorta ödənişi 15% artıb.
