“Günay Sığorta”nın yığılmış zərəri 3 dəfə artıb
“Ölkə.Az”ın məlumatına görə, sözügedən dövrə sığorta şirkətinin cəmi aktivləri 16,323 mln manat olub ki, bu da hesabat ilinin əvvəli ilə müqayisədə 0,2% azdır.
“Günay Sığorta”nın cəmi öhdəlikləri 5,4% azalaraq ötən ilin sonunda 7,078 mln. manat olub.
Ötən il nizamnamə kapitalını 23% artıraraq 10,1 mln manata çatdıran sığorta şirkətinin kapital ehtiyatları 1,001 mln manat, bölüşdürülməmiş zərəri 3 dəfə artaraq 1,856 mln manat olub. Nəticədə, şirkətin cəmi kapitalı 9,245 mln manat olub ki, bu da illik müqayisədə 4,2% çoxdur.
Ötən ilin yekununda “Günay Sığorta” ASC-nin cəmi gəlirləri 8,694 mln manat, cəmi xərcləri 9,921 mln manat təşkil edib. Nəticədə, şirkət ötən ili 1,228 mln manat xalis zərərlə başa vurub.
Qeyd edək ki, “Günay Sığorta” ASC-nin səhmdarları Yeganə Şirinova (41,15%), Mahmud Məmmədov (58,22%) və "Günay Bank"dır.
Könül
Ölkə.Az
