Bina mənzilləri həyət evinə çevrildi: qurumlar "bizlik deyil" dedi - FOTO
Bakıda bina sakinləri mənzillərə artırmalar edərək ictimai yaşayış binasının alt mərtəbələrini fərdi evə çeviriblər. Nəticədə isə vətəndaşlar üçün nəzərdə tutulan səkilər zəbt olunub.
“Ölkə.Az” xəbər verir ki, bununla bağlı sosial şəbəkələrdə fotoşəkillər paylaşılıb və artırmaların vətəndaşların rahat hərəkətinə maneə yaratması tənqid olunub.
Sözügedən hala Binəqədi rayonu Səttar Bəhlulzadə küçəsi 44A ünvanında yerləşən binada rast gəlinib.
Binəqədi Rayon İcra Hakimiyyətindən “Ölkə.Az”ın sorğusuna cavab olaraq bildirilib ki, bu binalar rayon icra hakimiyyətinin balansında deyil və xüsusi təyinatlı mənzil-kommunal təsərrüfat birliyinin tabeliyindədir.
2 saylı xüsusi təyinatlı mənzil-kommunal təsərrüfat birliyinin 78 saylı mənzil-kommunal istismar sahəsindən isə “Ölkə.Az”a bildirildi ki, binadakı həmin artırmalar 20 il öncə tikilib və həmin vaxt bina MKTB-nin tabeliyində olmayıb.
Könül
Ölkə.Az
