7 yaşlı uşağın ölümündə ittiham olunan məşqçi narkotiki təbliğ edib? - FOTO
Məşq zamanı 7 yaşlı Fərid Bakarova xəsarətlər yetirərək ölümünə səbəb olmaqda ittiham olunan idman müəllimi Mehman Xəlilovun sosial şəbəkə paylaşımları müzakirələrə səbəb olub.
Ölkə.Az xəbər verir ki, idmançının özünün fotolarının da yer aldığı instaqram səhifəsində narkotik vasitələrin təbliğ edildiyi görünür.
Bundan əlavə, sözügedən səhifədə pullar və oğru dünyasına aid terminlərin də istifadə olunduğu paylaşımlar yer alıb.
Qeyd edək ki, Sumqayıtda 7 yaşlı uşağa xəsarətlər yetirərək ölümünə səbəb olmaqda ittiham olunan idman müəllimi Mehman Xəlilovun barəsində həbs qətimkan tədbiri seçilib. Bu barədə qərar Sumqayıt Şəhər Məhkəməsinin hakimi Elçin Məmmədovun sədrliyi ilə keçirilən iclasda elan olunub. Qərara əsasən, M.Xəlilovun barəsində 4 ay müddətinə həbs qətimkan tədbiri seçilib.
