“Umico” MMC ləğv olunur

“Ölkə.az”ın məlumatına görə, “Umico” MMC və “Umico Overseas” MMC ləğv olunduğunu elan edib.

Qeyd edək ki, “Umico” MMC 18.02.2019 tarixində dövlət qeydiyyatına alınıb və qanuni təmsilçisi Sədullayev Dəyanət Bayrambəy oğludur. Şirkətin nizamnamə kapitalı 10 min manat təşkil edir. 

“Umico Overseas” MMC isə 06.04.2021 tarixində dövlət qeydiyyatına alınıb. Şirkətin qanuni təmsilçisi Bağırov Xəyal Zahid oğlu, nizamnamə kapitalı 60,1 min manatdır.

Şirkətlərin kreditorları iki ay ərzində tələblərini müvafiq olaraq AZ1010 Bakı şəhəri, Nəsimi rayonu, Neftçilər prospekti küçəsi, ev 153 və AZ1009 Bakı şəhəri, Yasamal rayonu, Cəfər Cabbarlı küçəsi, ev 16, mənzil 5 ünvanına bildirə bilərlər.

Şirkətdən bildirildi ki, həqiqətən də “Competo” MMC ilə paralel olaraq “Umico” və “Umico Overseas” adlı iki MMC yaradılıb: "Hazırda həmin şirkətlərin heç bir fəaliyyəti olmadığı üçün onların bağlanmasına qərar verilib. Sözügedən şirkətlərin "Competo"nun məhsulu olan "Umico" ilə heç bir əlaqəsi yoxdur".

Könül
Ölkə.Az