Pensiyaçıların sayı niyə azalıb? - SƏBƏB
"Ölkə.Az" xəbər verir ki, iqtisadçı deputat Vüqar Bayramovun sözlərinə görə, ötən ilin iyulun 1-i ilə müqayisədə qeydiyyatda olan pensiyaçıların sayı isə 5,4% azalıb: "Yəni, ötən ilin iyul ayında Azərbaycanda pensiya alanların sayı daha çox idi. Pensiyaçıların sayının azalmasının əsas səbəblərindən biri əlilliyə görə pensiya alanların sayında qeydə alınan iki rəqəmli düşüşdür. Belə ki, əlilliyə görə pensiya alanların sayı 16,4% azalıb. Buna səbəb əlilliyin yenidən qiymətləndirilməsi zamanı imtinaların sayının əvvəlki dövrlər ilə müqayisədə artması və meyarların dəyişdirilməsidir. Bu kateqoriya üzrə azalmalar ümumi pensiyaçıların sayına birbaşa təsir göstəribr. Digər tərəfdən, ailə başçısını itirməyə görə pensiya alanların sayında da azalma qeydə alınıb: 9,7%".
Millət vəkili bildirib ki, DSMF-in məlumatına görə, həmin dövrə yaşa görə pensiya alanların sayı 0,4% artıb: "Bu, yaşa görə pensiya alanların sayında kiçik də olsa, artımın qeydə alınması anlamına gəlir. Orta pensiya məbləği ötən ilin uyğun dövrü ilə müqayisədə 18,2% artaraq 435 manat olub. Əmək pensiyasının minimum məbləği isə 16,7% artırılaraq 2023-cü ilin 1 fevral tarixindən 280 manat müəyyən edilib".
"Pensiya islahatları çərçivəsində pensiya kapitalından daha səmərəli istifadə, minimum kapital yığımı ilə yanaşı orta həddin müəyyənləşdirilərək kaptialın həcmindən asılı olaraq daha erkən pensiyaya çıxmaq hüququnun verilməsi, pensiya kapitalının bir hissəsinin vərəsəyə transfer olunması hallarının müəyyənləşdirilməsi, qadın pensiyaçıların pensiya kapitalının xüsusi əmsala vurularaq artırılması kimi təkliflərimizi təqdim etmişik", - deyə V. Bayramov əlavə edib.
Könül
Ölkə.Az
