Xankəndidə Azərbaycan bayrağı viral oldu, amma... - FOTOFAKT
Erməni qadının əlində Azərbaycan bayrağı tutan körpəsi ilə Xankəndidə hökumət binasının qarşısında çəkdirdiyi deyilən foto Azərbaycan Ordusunun Qarabağdakı lokal antiterror əməliyyatlarını dayandırmasından sonra viral olub.
Ölkə.Az xəbər verir ki, qeyri-qanuni erməni silahlı dəstələrinin silahı yerə qoymasından sonra daha əvvəl (30 avqust) çəkilmiş foto yenidən gündəmə gəlib.
Montajlanmış fotonun əsl versiyasında körpənin əlində Azərbaycan yox, Fransa bayrağı tutduğu üzə çıxıb.
Xatırladaq ki, sözügedən foto daha əvvəl Ölkə.Az-ın feysbuk səhifəsində də paylaşılıb.
P.S.: Amma bu o demək deyil ki, Xankəndidə Azərbaycan bayrağı dalğalanmayacaq və ya şəhərin küçələrini bəzəməyəcək. "Tezliklə, inşallah" başlığı ilə paylaşmışdıq və buna çox az qalıb.
