Maşın ajiotajı: Bu avtomobillər daha da UCUZLAŞIR

Bunu Bizim.Media-ya açıqlamasında Liberal İqtisadçılar Mərkəzinin sədri Akif Nəsirli deyib. 

O bildirib ki, yaşlı maşınların qiymətləri yarıbayarı aşağı düşüb:

“Məsələn, bir ay əvvəl 12 minə olan “Prius”lar 6-7 minə, 16 minə olan “Prius”larsa 8-9 minə təklif olunur. Bundan başqa digər avtomobillərin satışında da artım var. Nəzərə alaq ki, bu gün şəhərlərarası taksi xidməti göstərən avtomobillərin yaşı 20-dən yuxarıdır. Təbii ki, hökumətin bu qərarı həmin taksilərə də öz təsiri olacaq. Ona görə də həmin avtomobillərin sahibləri maşınlarını kütləvi şəkildə satışa çıxarırlar. Məsələn, buraxılış ili 20 ilə yaxın və bundan artıq olan “Mersedes-Benz”, “BMW”, “Kia”, “Hyundai” və digər markalı avtomobillər hazırda əvvəlki aylarla müqayisədə ən azı 15-20 faiz aşağı qiymətə təklif olunur”. 

Akif Nəsirli hesab edir ki, tədricən qiymətlər daha çox düşəcək:

“Çünki,  buraxılış ili 2009-cu ildən əvvəl olan avtomobillərlə taksi fəaliyyəti göstərmək mümkün olmayacaq. Nəzərə alaq ki, taksi fəaliyyəti üçün istifadə olunan avtomobillərin də yaşı 15 ildən çoxdur. Ona görə də bu avtomobillərdən istifadə məcburi şəkildə məhdudlaşacaq. Buraxılış ili çox olan avtomobillər əsasən fərdi istifadə üçün yararlı olacaq. Bu isə köhnə avtomobillərə tələbatı azaldacaq. Nəticədə, köhnə avtomobillər yaxın bir neçə ayda xeyli ucuzlaşacaq”.