Etibar Pirverdiyev: \"Gecikən maaşlar dünən verilib\"

““Azərenerji” yeganə qurumdur ki, götürdüyü kreditləri özü qaytarır”.

Bunu qurumun prezidenti Etibar Pirverdiyev jurnalistlərə açıqlamasında deyib. Onun sözlərinə görə, vergi borcların əsas hissəsi ötən illərdən qalıb:

“Biz hər il birbaşa olaraq Vergilər Nazirliyinə 150 milyon manata qədər pul ödəyirik. Hələ mən sosial vergiləri buna aid eləmirəm. Borcların çoxu kolxoz-sovxoz dövründən qalıb. Hər il də onun üzərinə 36 faiz əlavə borc gəlir”.

İşçilərin maaşının gecikməsinə aydınlıq gətirən ASC rəhbəri bunun bir sıra səbəblərdən asılı olduğunu deyib: “Biz kredit qaytarırıq. Ola bilsin ki, 1 ay kredit çox qaytarılır, 1 ay az qaytarılır. Bunun təsiri var. Son zamanlar bütün proseslərdə müəyyən qədər gecikmələr olub, işçilərimizin maaşı 1 aya qədər gecikdi və dünən biz bütün maaşları ödədik."/az.azvision.az/

Ölkə.Az