Mərkəzi Bank valyuta hərraclarını niyə açıqlamır?

Mərkəzi Bank valyuta hərraclarını niyə açıqlamır? - AÇIQLAMA

"Bu məsələ ilə bağlı Mərkəzi Bankın rəsmi münasibəti mövcuddur. AMB bildirir ki, məzənnənin sabit qalması və tələbin tam qarşılanması nəzərə alınaraq, bu məlumatların paylaşılması aktual hesab olunmur. Onsuz da ayda bir dəfə valyuta ehtiyyatların azalması və ya artmasına dair məlumatlar ictimaiyyətə təqdim edilir. Lakin bu halda valyuta ehtiyyatlarının azalması və ya artmasının səbəbləri, ümumiyyətlə valyuta ehtiyyatlarının hansı istiqamət üzrə azalması barədə məlumat yetərsizliyi olur. Məlumat yetərsizliyi valyuta bazarındakı şəffaflığa təsir göstərir. Eyni zamanda bazar iştirakçıları üçün qeyri-müəyyən mühit yaradır və bu istiqaməti təhlil etmək istəyənlər üçün məlumat yetərsizliyi formalaşdırır".

"Ölkə.az" xəbər verir ki, bunu iqtisadçı-ekspert Eldəniz Əmirov deyib.

O bildirib ki, dünya təcrübəsində mərkəzi bankların valyuta hərracına dair məlumatları təqdim etməmələrinin bir neçə səbəbi olur.

"Bunlarda biri davranış iqtisadiyyatı ilə bağlı elementdir. Belə ki, dollar olan tələb bir az artdığı zaman bu bəzən ajiataj yaradır və insanlar arasında əsası olmadan narahatçılıq yaranır. Nəticədə psixoloji narahatçılıq səbəbində süni tələb artır və yerli valyutaya qəfil kəsin təzyiq yüksəlir. Buna görə də hərrac statistikası açıqlanmır.
Ikinci bir səbəb isə Mərkəzi bankların valyuta ehtiyyatlarının dövlətin digər zəruri ehtiyyaclarının ödənilməsinə yönəldiyi zaman ortaya çıxır. Belə ki, Mərkəzi bankların valyuta ehtiyyatlarının müəyyən qisminin dövlətin müəyyən məqsədləri üçün ayrılan hissəsinin konfidensial saxlanılmasını zəruri hesab edirsə, bəzi informasiyaların təqdimatında məhdudiyyətlər qoyurlar".(Milli.Az)