Venesuelada böhran dərinləşir: fövqəladə iqtisadi vəziyyətin perspektivləri

Ölkə.az xəbər verir ki, bu sözləri iqtisadçı ekspert Eldəniz Əmirov deyib.

Onun sözlərinə görə, bu ölkələrdən yalnız Yunanıstanda tədbirlər nisbətən effektiv nəticələnib:

“Çünki, Avropa İttifaqı və Beynəlxalq Valyuta Fondu ilə koordinasiyalı şəkildə qərarlar verilmişdi. Struktur islahatlarla yanaşı maliyyə intizamı təmin edilmişdi. Ən əsası isə bütün proseslərdə şəffaflıq təmin edilmiş və hüquqi çərçivə laxladılmamışdı.

Digər 3 ölkədə isə tədbirlər uğursuz olub. Belə ki,Venesuelada qeyri-şəffaf idarəetmə, kölgə iqtisadiyyatının artması və dövlət müdaxiləsinin həddən artıq yüksəlməsi, Argentinada panik xarakterli qərarlar, bank əmanətlərinin dondurulması və siyasi xaos, Zimbabvedə isə monetar intizamın tam olmaması və korrupsiyanın əksinə artması dövləti hədəflərinə nail olmağa imkan vermədi.

Odur ki, “mən fövqəladə iqtisadi vəziyyət elan etdim və prosesi düzəldəcəm” – deyə bir şey yoxdur. Bu qərar yalnız qısa müddətli, məqsədyönlü, şəffaf və institusional koordinasiyalı şəkildə həyata keçirildikdə effektiv ola bilər. Əks halda, belə qərarlar iqtisadiyyatda daha dərin qeyri-müəyyənliyə, bazar mexanizmlərinin pozulmasına və iqtisadi tənəzzülün dərinləşməsinə, bunlar isə öz növbəsində sosial narazılığın daha da artmasına səbəb olur”.

Həmidə İbrahimova