İNTERPOL-un axtardığı azərbaycanlı 12 ildən sonra həbs olundu - VİDEO

"Ölkə.az" Musavat.com-a istinadla xəbər verir ki, R.A. 2013-cü ildən bəri İNTERPOL-un qırmızı siyahısında yer alıb.

Onun barəsində Azərbaycan hüquq-mühafizə orqanlarının təqdim etdiyi ittihamlara əsasən, həmin şəxs təşkilatlanmış cinayətkar dəstənin üzvü olmaqda və qəsdən sağlamlığa ağır zərər vurmaqda şübhəli bilinir.

İllərlə davam edən gizlənmədən sonra Marneulidə keçirilən xüsusi əməliyyat nəticəsində saxlanılan R.A.-nın yaxın vaxtlarda Azərbaycana ekstradisiya olunması gözlənilir. Hadisə həm Gürcüstan, həm də Azərbaycan hüquq-mühafizə strukturlarının birgə əməkdaşlığının nəticəsi kimi qiymətləndirilir.

Ekspertlər bildirirlər ki, bu əməliyyat regionda sərhədlərarası cinayətkar şəbəkələrin izlənməsi və zərərsizləşdirilməsi istiqamətində mühüm addım kimi dəyərləndirilir.