Ağdərədəki yanğın tamamilə söndürülüb - YENİLƏNİB
Ağdərə rayonu Ortakənd kəndi ərazisində baş verən yanğın tamamilə söndürülüb.
"Ölkə.az" "Report"a istinadla xəbər verir ki, kənd ərazisindəki yanğın bu gün günorta saatlarında qeydə alınıb.
Hadisə yerinə FHN-nin yanğınsöndürmə briqadalarının əməkdaşları cəlb edilib. Yanğının qarşısı tam alınıb.
***
Ağdərə rayonunda növbəti dəfə yanğın müşahidə olunur.
Ölkə.az "Report"a istinadən xəbər verir ki, rayonun Ortakənd kəndi ərazisində baş verən yanğın quru ot və kolluq ərazidə başlayıb.
Havanın küləkli olması səbəbilə alov genişlənərək dağlıq ərazidə yerləşən meşə sahəsinə keçib.
FHN-nin Tərtər və Naftalan rayonlarının yanğınsöndürən əməkdaşları hadisə yerinə cəlb edilib. Yanğının söndürülməsinə helikopter də cəlb edilib.
