"TikTok"da tanış olduğu şəxsin evindən oğurluq etdi
Qonaq getdiyi evdən oğurluq etməkdə təqsirləndirilən şəxsə hökm oxunub.
Ölkə.az qaynarinfo-ya istinadən xəbər verir ki, Ruslan adlı təqsirləndirilən şəxs "TikTok" platformasında tanış olduğu şəxsin evinə bir neçə dəfə qonaq gedib. Ev sahibi mətbəxdə məşğul olduğu zaman paltar dolabından 8400 manat dəyərində qızıl-ziynət əşyaları və 900 ABŞ dolları pul oğurlayıb.
Ev sahibi hadisədən xəbər tutduqdan sonra hüquq-mühafizə orqanlarına şikayət edib. Ruslan saxlanılıb və ona Cinayət Məcəlləsinin 177.2.4-cü maddəsi ilə ittiham elan edilib. Həmçinin məhkəmənin qərarı ilə barəsində həbs qətimkan tədbiri seçilib.
Cinayət işinə Xətai Rayon Məhkəməsində hakim Fuad Axundovun sədrliyi ilə baxılib. Məhkəmənin hökmü ilə o, 2 il müddətinə azadlıqdan məhrum edilib.
