Azərbaycan boksçuları İslamiadanı 6 medalla başa vurub - YENİLƏNİB
Azərbaycanın qadın boksçusu Aynur Mikayılova VI İslam Həmrəyliyi Oyunlarında gümüş medal qazanıb.
O, 57 kq-da fərqlənib.
O, finalda Özbəkistan idmançısı Xumorabonu Mamajonovana məğlub olub.
Beləliklə, boksçularımız yarışı 7 nəfərə 6 medal olmaqla, 1 qızıl, 3 gümüş, 2 bürünclə başa vurublar.
***
Səudiyyə Ərəbistanının paytaxtı Ər-Riyad şəhərində keçirilən VI İslam Həmrəyliyi Oyunları çərçivəsində boks yarışları davam edir.
Ölkə.az xəbər verir ki, 80 kiloqram çəki dərəcəsində döyüşən Səidcəmşid Cəfərov bu gün final görüşünə çıxıb.
İdmançımız türkiyəli Sultan Osmanlı ilə üz-üzə gəlib.
Təmsilçimiz bu görüşdə qalib gələrək qızıl medala sahib çıxıb.
Qeyd edək ki, Azərbaycanı VI İslam Həmrəyliyi Oyunlarının bağlanış mərasimi noyabrın 21-də keçiriləcək.(apa)
