Oyun həvəskarlarına şad xəbər: "Xbox oyun modu" "Windows"da
"Microsoft Windows" kompüterlərini oyun təcrübəsi baxımından "Xbox" səviyyəsinə gətirən yeni “Xbox oyun modu” funksiyasını təqdim edib.
Ölkə.Az-ın məlumatına görə, bu funksiya "Game Bar" vasitəsilə və ya "Win + F11" düymə kombinasiyası ilə aktivləşdirilir. Həmçinin "tapşırıqlar görünüşü"ndən də seçilə bilir.
Yeni rejim sayəsində istifadəçilər siçandan istifadə etmədən oyun prosesinə davam edə bilirlər.
Bu xüsusiyyət hazırda yalnız "Windows Insider Dev" və "Beta" kanallarında sınaqdan keçirilir. Funksiyanın bütün istifadəçilərə 2026-cı ilin əvvəlində təqdim olunacağı gözlənilir.
