Xatəmi etirazçılar haqqında: "Bu vəhşilər hətta monqolların belə edə bilmədiyini etdilər"
Ölkə.Az xəbər verir ki, bu barədə Iran International məlumat yayıb.
"Onlar hökumətdən sərt cəza gözləməlidirlər. Amerikalılar və sionistlər sülh gözləməməlidirlər. Bu axmaqlar ölkəni bölə biləcəklərini düşünürdülər. Bir iranlı yaşadığı müddətcə heç kim bu torpağın bir qarışını da itirməyimizə icazə verməyəcək. Bu vəhşilər hətta monqolların belə edə bilmədiyini etdilər, amma bacarmadılar", - Xatəmi deyib.
Bir müddət əvvəl ABŞ prezidenti Donald Tramp İran hakimiyyətinin 800-dən çox etirazçının planlaşdırılan edamını ləğv etdiyini və bunun vəziyyətə əhəmiyyətli dərəcədə təsir etdiyini açıqlamışdı.
Ərəb və İsrail rəsmilərinin onu İrana hücum etməməyə inandırıb-inandırmadığı soruşulduqda, Prezident Tramp jurnalistlərə belə cavab verib: "Məni heç kim inandıra bilmədi. Mən özümü inandırdım. Dünən 800-dən çox edam planlaşdırılmışdı. Heç kimi asmadılar. Edamları ləğv etdilər. Bunun böyük təsiri oldu".
