25 ilini tamam edən “Vikipediya” platforması: Azərbaycan dil bölməsində vəziyyət necədir? - FOTO
Bu gün yaşadığımız dünyada internet platforması sürətlə inkişaf etməkdədir. İnternet dünya insanın həyatının bir parçasına çevrilib. Hansı məlumatı əldə etmək istəyərkən mütləq “google”, “yahoo”, “youtube”, süni intellekt olan “çat gpt” və sair axtarış sistemlərinə müraciət olunur.
Bu axtarış sistemlərindən biri də insanların ən çox müraciət “Vikipediya”dır. Qeyd edək ki, bu il “Vikipediya”nın yaranmasının 25 ili tamam oldu. Yaranmasından bəri onlayn ensiklopediya 67 milyondan çox məqaləyə qədər genişlənib. Kifayət qədər böyük göstəricidir. Süni intellektlə əməkdaşlıq əlaqələri genişlənməkdədir. Süni intellektin özü “Vikipediya”ya müraciət edir.
Bu isə “Vikipediya” platforması üçün yeni imkan və perspektivlər vəd edir. Bir sıra üstünlükləri yaradır. Təxminən bir il sonra 2002-ci il yanvarın 13-də isə Vikipediyanın Azərbaycan dili bölməsi fəaliyyət göstərməyə başlayıb.
Təbii ki, Azərbaycan dili bölməsi bu prosesdən kənarda qala bilməz. Hal-hazırda Azərbaycan dili bölməsində vəziyyət necədir? Bu suala konkret arqumentlərlə cavab vermək olar: “Vikipediya” platformasının Azərbaycan dili bölməsində əhəmiyyətli və səmərəli dəyişikliklər müşahidə olunur.
Azərbaycan dili bölməsi 344 dil bölməsi içərisində 55 yerdə qərarlaşıb.
Azərbaycan “Vikipediya” İcmasının uğurlu və peşəkar səviyyədə apardığı fəaliyyəti nəticəsində “Vikipediya”da dərinlik (keyfiyyət) göstəricisi 55-dən 56-yə yüksəlib. Bu faktın özü icmada olan işgüzar mühitdən xəbər verir.
Unutmaq olmaz ki, bir zamanlar məlumat bazası yetərincə olmayan Azərbaycan dili bölməsi, bu gün öz zənginliyi ilə seçilir. Artıq məqalələrin sayı 212 mini keçib. Redaktələrin sayı 8.5 milyona yaxınlaşır.
Ötən ilin sadəcə dekabr ayı ərzində “Vikipediya”nın Azərbaycan dilində olan səhifələri 44 milyon dəfə ziyarət edilib, son bir il ərzində isə bu rəqəm 379 milyon olub.
