Türkiyənin neft tankeri dron zərbəsinə məruz qaldı – Partlayış oldu

Ölkə.Az xəbər verir ki, bu barədə Türkiyənin NTV telekanalı məlumat yayıb.

Məlumata görə, Rusiyadan yola çıxaraq 140 min ton xam neft daşıyan ALTURA adlı tanker Bosfor boğazından təxminən 15 mil məsafədə dron zərbəsinə məruz qalıb.

Hadisə açıq dənizdə baş verib və güclü partlayışla müşayiət olunub. Partlayış nəticəsində gəminin kapitan körpüsündə ciddi zədələr yaranıb, mühərrik bölməsini isə su basdığı bildirilir.

Zərbədən sonra tanker kömək siqnalı verib. Hadisə yerinə sahil mühafizəsi, dəniz təhlükəsizliyi qüvvələri və fövqəladə hallara müdaxilə üçün nəzərdə tutulmuş “Nene Hatun” gəmisi cəlb olunub.

Hazırda xilasetmə işləri davam edir. Hadisənin rəsmi olaraq “hücum” olub-olmaması ilə bağlı hələlik səlahiyyətli qurumlar tərəfindən açıqlama verilməyib.

Bildirilir ki, ekipaj üzvləri arasında xəsarət alan yoxdur. Tankerdə olan 27 türkiyəli heyət üzvünün vəziyyəti yaxşı qiymətləndirilir.