Ağ Ev Pekini buna vadar etdi: ABŞ nefti də alacaq

Ölkə.az xəbər verir ki,  ABŞ Prezidenti Donald Tramp “Fox News”a müsahibəsində Çin Prezidenti Si Cinpinin Amerika neftinin alınması təklifini bəyəndiyini bildirib.

“Onlar ABŞ-dan neft almaq barədə razılığa gəliblər. Onlar Texasa gələcəklər - biz Çin gəmilərini Texasa, Luizianaya, Alyaskaya göndərəcəyik. Düşünürəm ki, razılaşdığımız məsələlərdən biri də budur", - Tramp qeyd edib.

Donald Tramp Si Cinpinlə görüşünün əvvəlkindən daha yaxşı keçdiyini söyləyib. "Bilirsiniz, keçən dəfə təxminən 36 razılaşma əldə etmişdik. Bu dəfə daha çox şey etdik", - o əlavə edib.
Tramp  eyni zamanda Si Cinpini dostu adlandırıb. "Bu, mənim çox hörmət etdiyim bir insandır və o, həqiqətən də mənim dostum olub", - ABŞ prezidenti vurğulayıb.
O, Si Cinpini təxminən 12 ildir tanıdığını və bunu uzun müddətdir tanıdığını konkret və məhsuldar işə sadiq olan istiqanlı bir insan olduğunu bildirib: "Əslində onun mehriban bir insan olduğunu düşünürəm, amma eyni zamanda bütün diqqətini qarşısına qoyduğu işə yönəldib. Dərhal işə başlayır, oyun oynamır, bu gün havanın nə qədər gözəl olması və ya "gəlin ulduzlara, günəşə baxaq" deyə danışmır".
Tramp  Çinə səfərini inanılmaz adlandırıb.

Mürtəza