Senatdan Trampa  İrana müharibə ilə bağlı “yaşıl işıq”

ABŞ Senatı, Prezident Donald Trampın İrana hücumları üçün Konqresin təsdiqini tələb edən "müharibə səlahiyyətləri" qanun layihəsinin müzakirəyə çıxarılmasına razılıq verərək, onun yolunu açmaq üçün bir addım atıb. 

Ölkə.az xəbər verir ki, ABŞ Senatında keçirilən səsvermədə 47 senator qanun layihəsinin əleyhinə, 50 senator isə onun qəbul edilməsinin lehinə səs verib.

Beləliklə, Trampın İrana qarşı hərbi güc tətbiqini Konqresin təsdiqindən asılı edəcək "müharibə səlahiyyətləri" qanun layihəsi səsvermədə yeddinci dəfə qəbul edilib.

Respublikaçı senatorlar Rand Paul, Syuzan Kollins və Liza Murkovski əvvəlki altı səsvermədə olduğu kimi, qanun layihəsinə "hə" deyiblər. Bu dəfə isə respublikaçı senator Bill Kassidi də əvvəlki səsvermələrdən fərqli olaraq qanun layihəsini dəstəkləyib. 

ABŞ mediasına danışan Nümayəndələr Palatasının bəzi üzvləri oxşar müharibə səlahiyyətləri qanun layihəsinin bu gün səsverməyə çıxarılacağını gözlədiklərini bildiriblər.

Respublikaçıların çoxluq təşkil etdiyi Nümayəndələr Palatasının nəticəsi səbirsizliklə gözlənilir və qanun layihəsi Nümayəndələr Palatasından keçərsə, Ağ Evə göndəriləcək.

Trampın veto qoyması gözlənilən qanun layihəsi artıq ABŞ Konqresindəki respublikaçılar arasında İranla müharibənin uzadılması ilə bağlı narahatlığın əks olunması kimi qəbul edilir.
1973-cü il tarixli Müharibə Səlahiyyətləri Qanunu ABŞ prezidentinin hər hansı bir ölkəyə qarşı müharibə aparmaq qərarı barədə əvvəlcədən Konqresi məlumatlandırmasını məcburi edir.
Eyni qanun həmçinin ABŞ qüvvələrinin Konqres tərəfindən təsdiqlənməmiş istənilən münaqişədən 60 gün ərzində çıxarılmasını tələb edir.

 Mürtəza