“Quranın tərcüməsini oxuyub ateist olmaq...”
İlahiyyatçı Elşad Miri mətbuata verdiyi müsahibədə maraqlı fikirlər səsləndirib. Elşad Miri bildirib ki, Ziya Bünyadovun və Vasim Məmmədəliyevin tərcümə etdiyi “Qurani-Kərim”i adamları ateist edir.
Ölkə.Az xəbər verir ki, moderator.az mövzu ilə bağlı "İRŞAD" İslam Araşdırmaları Mərkəzinin direktoru, fəlsəfə elməri doktoru, Dini Qurumlarla İş üzrə Dövlət Komitəsinin keçmiş sədri Rafiq Əliyevin münasibətini öyrənib.
Rafiq Əliyev deyib ki, Quranın tərcüməsi çətin bir prosesdir və orada kiçik səhvlərin olması mümkündür:
“Hər bir tərcüməçi bildiyi, anladığı qədər Quran ayələrinin mənalarını şərh edir. O ki qaldı Quranın tərcüməsini oxuyub ateist olmaq ehtimalına... Mən belə deyərdim: kim nəyi axtarırsa onu da tapa bilər. Radikal islamçılar da öz qəddarlıqlarını tez-tez Qurandakı ayələrə bağlayırlar. Amma "Quran" və bu kitabın Azərbaycan dilinə tərcüməsi haqqında qəti fikir söyləmək əlbəttə səhv olardı”.
