28 nəfərin öldüyü qorxunc Ankara terroru haqda sensasion iddia
Türkiyənin paytaxtı Ankaranı qan gölünə çevirən terror hadisəsinin istintaqı davam edərkən baş nazir Davudoğlunun da adını açıqladığı və terrorçu kamikadze olduğu qeyd edilən Salih Neccar adlı şəxs haqqında yeni iddialar ortaya çıxıb
PKK terror təşkilatına yaxınlığı ilə bilinən TAK qruplaşması terror hadisəsini Abdulbaki Sönməz adlı şəxsin etdiyini bildirib və onun fotolarını yayıb.
Ölkə.Az xəbər verir ki, Abdulbaki Sönməzin atası isə yayılan fotoların Saleh Neccara yox, oğlu Abdulbaki Sönməzə aid olduğunu təsdiq edib. Beləliklə də, Suriyadan gəlib Saleh Neccar olaraq Köçkünlərlə iş idarəsində qeydiyyata duran şəxsin əslində Abdulbaki Sönməz olduğu ehtimalı daha da artır.
DNA NÜMUNƏSİ ALINDI
Ankara terror hadisəsindən sonra rəsmi qurumların Saleh Neccar olaraq açıqladığı terrorçunun əslində Abdülbaki Sönməz olduğu ehtimalı üzərinə Sönməzin atası tapılaraq ondan izahatı və DNA nümunəsi alınıb. Əldə edilən məlumata görə, ata Musa Sönməz terrorçu kamikadze olaraq şəkli yayımlanan şəxsin oğlu olduğunu qəbul edib. Hazırda isə terror hadisəsini həyata keçirən şəxsin bədən parçaları ile atası olduğu vurğulanan şəxsin DNA nümunəsi qarşılaşdırılacaq.
"QARDAŞIMIN YANINDA GÖRDÜM"
Digər tərəfdən terrorçuya maşınını verən Kubbettin adlı şəxsin həbs edilən qardaşı Mətin izahatında Ankaraya təqribən 40-45 gün önce geldiyini, orada sahibi böyük qardaşı Kutbettinin tanışı olan bir qızıl mağazasında 15 gün işlədiyini, daha sonra isə İstanbula getdiyini qeyd edib: "Təqribən 1 aya qədər də İstanbulda işlədim. Yenidən Diyarbəkir şəhərinə qayıtdım. Terror hadisəsni törədən şəxsi tanımıram. Bu hadisə ilə heç bir əlaqəm yoxdur".
ADI ƏLİDİR
Hadisəyə avtomobil təmin etdiyi iddia edilən şəxsin qardaşı Mətin izahatında bunları qeyd edib: "Ankarada qardaşım Kutbettinin yanında işləyərkən ona zəng gəldi. Qardaşım "Peugeot" markalı öz maşını ilə harasa getdi və yanında adını sonradan öyrəndiyim Suriyalı olduğunu deyən Əli adlı şəxslə geri gəldi. Həmin şəxs yaxşı danışa bilmirdi. Üç gün sonra İstanbula işləməyə getdim. 10-15 gün öncə Diyarbəkirə gedəcəyim üçün qardaşımı bir günlük Ankaraya gedib gördüm və məni avtobus terminalından yola salarkən Əli adlı həmin şəxs onun yanında idi. Əlinin "kod adı" istifadə etdiyini eşitmədim, bilmirəm. Bu şəxsi başqa heç bir yerdə görməmişəm".
