Günayın "ev" məsələsi yalan çıxdı
Dünən ATV-də yayımlanan "10-dan sonra" verilişində müğənni Günay İbrahimli ilə bağlı süjet yayımlanıb.
Süjetdə sənətçinin dilindən ona ev hədiyyə olunduğu bildirilir. Məsələylə bağlı Günay İbrahimli musavat.com saytına açıqlama verib. O deyib ki, yayılan xəbərlər həqiqəti əks etdirmir:
"Efirlər reytinq xətrinə yalan xəbərlər verir. Mənə sual verildi ki, hədiyyə almağı sevirsiz? Mən də dedim ki, hədiyyə almağı hamı kimi xoşlayıram. "10-dan sonra" verilişinə verdiyim müsahibəni kəsiblər, hər dəqiqə də anons veriblər ki, "Günaya ev hədiyyə olunub".
Belə bir şey olmayıb. Mənə heç kim ev hədiyyə etməyib. Mən demişəm ki, ev hədiyyə etdiklərini desələr, sevinərəm. Şəxsi həyatımın heç kimə aidiyyatı yoxdur. Düzdür, tanınan insanam, mənim həyatım, yaşantım tamaşaçıya maraqlıdır. Sözüm mətbuatadır ki, xəbəri düzgün vermək lazımdır. Mənim ailəm, dostlarım var. Hər foto çəkdirdiyim ev mənim deyil. Mən efirdən ev də istəməmişəm. Ağlamağı xoşlamıram. Allaha şükür ki, Allah mənə səs verib, çalışıb qazanıram".
Axşam.az-ın əldə etdiyi məlumata görə isə həqiqətən də G.İbrahimlinin dediyi sözlər montaj edilib. Belə ki, aparıcılığını Yusif Ağayevin etdiyi verilişdə reytinq xətrinə bu cür addım atmaq qərarına gəlinib. Həmin görüntüləri aşağıdakı videonun 01:20-ci saniyəsindən izləyə bilərsiniz.
