Suriyada silsilə partlayışlar törədilib: ölənlər var

Suriyanın Latakiya əyalətidə yerləşən Cable və Tartus şəhərlərində partlayışlar törədilib. Hər iki halda terrorçular avtovağzalları hədəf seçiblər

Bu barədə Ölkə.Az "RİA Novosti agentliyinə istinadən məlumat verir.

Cable avtovağzalının əməkdaşının bildirdiyinə görə, ölənlər və yaralananlar var. Terrorçu kamikadzelərin özlərini partlatdıqları ehtimal olunur.

Cabledə törədilən üç partlayışdan biri avtovağzalla Dövlət Energetika Şirkətinin binası arasında, digəri isə şəhərin girəcəyində törədilib. Daha bir kamikadze Cable şəhər xəstəxanasının təcili yardım şöbəsində özünü partladıb.

Eləcə də Tartusda avtovağzalla qonşuluqda yerləşən yanacaqdoldurma məntəqəsinin yanında partlayış baş verib. Hələ ki, ölənlərin sayı barədə dəqiq məlumat verilmir. Bunun ardınca Suriyanın Qamışlı şəhərindən partlayış xəbərləri daxil olub. Burada kamikadzenin restoranda törətdiyi terror aktında beş nəfər həlak olub.

İlhamə
Ölkə.Az