İran qadınları başlarını qırxdırır və kişi paltarı geyinirlər
Şəriət qanunları ilə idarə olunan İranda qadınlar başlarını keçəl qırxdırır və kişi paltarı geyinirlər.
Ölkə.Az xəbər verir ki, İrandakı bir çox rejim əleyhdarı fəal sosial şəbəkələrdə özlərinin ekstravaqant şəkillərini paylaşıblar.
Hətta başıaçıq qadınlar İrandakı ictimai yerlərdən də fotolar paylaşıblar.
Məlumata görə sosial şəbəkələri ciddi nəzarət altında saxlayan İran kəşfiyyatı onlarla fəalı buna görə həbs edib. Onların böyük məbləğlərdə cərimələndikləri bildirilir.
Hətta bəzi iranlı fəallar başlarını açaraq Tehranın küçələrində gəzərək xarici turist qadınları da İrana gələndə hicab örtməməyə çağırıblar.
Son məlumata görə, son bir həftə ərzində İranda buna görə 8 qadın fəal həbs olunub.
