Özbəkistanda XV "İpək və ədviyyatlar" festivalı keçirilir

Ölkə.Az "Anadolu" agentliyinə istinadən xəbər verir ki, qədim İpək Yolunun keçdiyi Buxara şəhərində növbəti İpək və ədvalar festivalı keçirilir.

Festivalın açılış mərasimində çıxış edən Buxara şəhər meri Validcan Orinov bildirib ki, festivala dünya ölkələrindən çoxlu qonaqlar gələcək. Onun sözlərinə görə, festival Buxarada turizmin inkişafına töhfə verəcək.

Şəhər meri bildirib ki, Buxara şəhəri beynəlmiləlçiyi ilə tanınır. "Əminəm ki, bu festival zəngin mədəniyyətə malik Özbəkistana turist axınının artmasına səbəb olacaq".

Həmçinin, o deyib ki, mindən çox tarixi abidəsi olan Buxara şəhəri YUNESKO-nun maddi-mədəni irs siyahısına daxil edilib.

İlhamə
Ölkə.Az