ABŞ Rusiyaya qarşı yeni "cəhənnəm silahı" düzəldir
Pentaqon yeni silah layihəsi üzərində işləyir.
Ölkə.Az xəbər verir ki, bu haqda "Wall Street Journal" ABŞ Müdafiə Nazirliyindəki etibarlı mənbəyə istinadən məlumat verir.
Məlumata görə, Pentaqonun gizli layihəsi güclü elektromaqnit topudur. Bu silahın rels üzərində olacağı bildirilir. Mərmini barıt və partlayıcıdan istifadə etmədən daha uzağa atmaq qabiliyyəti olan bu super uzaqvuranın dünyada analoqunun olmadığı bildirilir.
Topun mərmisinin sürətinin saniyədə 1,5 kilometr olacağı gözlənilir.
Məlumatda həmçinin qeyd olunur ki, top Rusiyanın aqressiyasının qarşısını almaq üçün nəzərdə tutulur.
İlkin olaraq eletromaqnit topu layihəsinə 1,5 milyard dollar pul ayrılıb.
