Orlando qatili gey barda QİÇS-ə yoluxubmuş

Orlando qatili gey barda QİÇS virusuna yoluxduğu üçün oradakı geylərdən intiqam alıb

Ölkə.Az Türkiyə KİV-lərinə istinadən xəbər verir ki, Amerikanın Orlando şəhərindəki gey barda qətliam törətmiş Ömər Mətin haqqında yeni iddialar üzə çıxıb. Xatırladaq ki, Ömər Mətin gey barlardan birində odlu silahla 50-dən çox insanı öldürmüş, 60 nəfərə yaxın insanı yaralamışdı.

ABŞ-ın ispan dilində yayımlanan "Univision" telekanalına müsahibə verən Porto-Riko vətəndaşı, özünü Migel adlandıran şəxs bu günə qədər məlum olanlara tamamilə ziddiyyət təşkil edən açıqlama verib. O, Ömər Mətinlə sevgili olduğunu söyləyib.

"Ömər çox şirin insan idi. O, qətliam törədən cani ola bilməzdi. Məsələ bundadır ki, Ömər bir müddət əvvəl gey klubda qrup sekslə məşğul olub və sonradan qrupdakılardan birinin QİÇS xəstəsi olduğunu öyrənib. O bundan çox kədərlənmişdi. Qan analizlərində xəstə olduğu aşkarlanmasa da, Ömər bunun sonrakı mərhələlərdə üzə çıxacağından çox qorxurdu. İstəyirəm hamı bilsin ki, o bu hadisəni terror olsun deyə törətmədi. Ömər intiqam aldı", deyən Migel Ömərin həyat yolaşının da onların sevgili olmasını bildiyini söyləyib.

İlhamə
Ölkə.Az