ABŞ-da yenə polislər öldürüldü

Ölkə.Az Rusiya KİV-lərinə istinadən xəbər verir ki, dünən ABŞ-ın Luiziana ştatının Baton-Ruj şəhərində atışma baş verib.

Hadisə nəticəsində 3 polis həlak olub, çoxlu sayda yaralı var. Hadisəni törədən, əvvəllər Amerika Hərbi Dəniz donanmasında 5 il xidmət göstərmiş qaradərili Gavin Long öldürülüb.

ABŞ prezidenti Barak Obama Ağ Evdən yayınlanan canlı efirdə bütün amerikalıları birləşməyə və təmkinli olmağa çağırıb.

"Motivindən asılı olmayaraq, bu üç igid zabitin ölümü göstərir ki, polis bütün ölkədə hər gün belə təhlükə ilə üzləşir və bir millət kimi biz daha asan anlamalıyıq ki, heç nə hüquq-mühafizə orqanlarına qarşı zorakılığa haqq qazandırmır", - deyə o bildirib.

İlhamə
Ölkə.Az