\"Bakı\" sözünün türk mənşəli olduğu təsdiqləndi

Bu gün ölkəmiz Azərbaycanın paytaxtı Bakı şəhəri bütün dünyada məşhurdur.

Hər il, xüsusən də son illər bir çox beynəlxalq əhəmiyyətli siyasi, iqtisadi, biznes, idman və mədəniyyət tədbirinə ev sahibliyi etdikdən sonra ölkəmizə və onun paytaxtına bütün dünyada maraq artıb. Şəhərimizin küçələri əcnəbi turistlərlə doludur.

Təbbi, ölkəmizə gələn əcnəbiləri ilk olaraq çədəniyyət irsimiz, tariximiz, memarlıq abidələrimiz və milli mətbəximiz maraqlandırır. Tarixi bilən və gəzdiyi yerlərin tarixi ilə maraqlanan şəxslər üçün Azərbaycanın və eləcə də Bakının tarixi, bu sözlərin mənşəyi və etimologiyası ilə tanış olmaq istəyirlər. İllərdir Bakının adı ətrafında tarixçilər arasında gedən mübahisələr və ziddiyyətlər bu sahədə dəqiq bir nəticəyə gəlmək imkanı verməyib. Bu məsələdə cürbəcür versiyaların irəli sürüldüyünü hər birimiz bilirik. Bir çox insanlar Bakının adının eyniadlı qəbilənin adından götürüldüyünə inanır, bir çoxları isə Bakı sözünün Bədi-kubə, farscadan tərcüməsi "küləklər zərbəsi" olduğuna inanır.

Amma müəllifinin Mahmud Kaşqarlı olduğu Divanü lüğat-it-türk kitabında Bakının adının hansı türk sözündən gəldiyi və nə məna verdiyi aydın yazılıb. Bu qədim lüğətdə Baku sözünün yüksəklik, təpə mənası verdiyi aydın görünür.

Ölkə.Az