İtaliyada güclü zəlzələ

Ölkə.Az Rusiya KİV-lərinə istinadən xəbər verir ki, İtaliyanın mərkəzində 6,1 bal gücündə zəlzələ baş verib. Zəlzələ nəticəsində Amatriçe şəhərində ciddi dağıntılar olub, uçqunlar altında xeyli sayda insanların qaldığı bildirilir.

Şəhər meri Sercio Pirozzini jurnalistlərə şəhərin yarısının dağıldığını, uçqunlar altında xeyli insanın qaldığını söyləyib. O, həmçinin bildirib ki, torpaq sürüşmələri nəticəsində şəhərə giriş-çıxış yolları da bağlanıb.

Son məlumatlara görə, zəlzələ nəticəsində 6 nəfər həlak olub.

Qeyd edək ki, təkanlar yerli vaxtla 01.36-da qeydə alınıb. Zəlzələnin episentri Romadan 116 km şimal-şərqdə, 10 km dərinlikdə yerləşib.

İlhamə
Ölkə.Az