Reks Tillerson: “ABŞ və Rusiya istəsə ...”

"Ölkə.Az" xəbər verir ki, Tillerson bu səfərin iki dövlət arasındakı münasibətlərin uçuruma doğru getməsinin qarşısının alınmasında bir vasitə olacağını gizlətməyib.

“Biz görüş vaxtı bir çox məsələləri müxakirə etdik. Düşünürəm ki, bu görüş iki dövlət arasında münasibətlərin yaxşılıa doğru irəliləyişi ola bilər. Çox təəssüf ki, hazırda ABŞ və Rusiya arasında etibarlılıq dərəcəsi çox aşağıdır. İlk öncə bunu aradan qaldırmaq lazımdır”, - deyə R. Tillerson bildirib.

ABŞ rəsmisi əlavə edib ki, Rusiya rəhbərliyi ilə danışıqlar zamanı Suriya problemi əsas müzakirə obyekti olub:

“Danışıqlar zamanı Suriyada terrorçuluqla mübarizə və Bəşər Əsəd hakimiyyətinin sonrakı taleyi müzakirə olundu. Biz düşünürük ki, Əsəd rejimi hakimiyyəti təhvil versə, bu zaman terrorçuları daha tez məhv etmək olar. B.Əsəd bilməlidir ki, onun bundan sonrakı rəhbərliyi Suriya dövlətini uçuruma aparır. Bu reallığı Rusiya ona anlatmalıdır”.

Qeyd edək ki, ABŞ-ın dövlət katibi Reks Tillerson Rusiya səfəri çərçivəsində həmkarı Sergey Lavrovla görüş keçirib. Moskvada baş tutan görüş 5 saata yaxın davam edib. Görüş zamanı iki dövlət rəsmisi Suriya, Şimali Koreya, Ukrayna problemləri və iki dövlət arasında münasibətlərdən danışıblar. Danışıqlardan sonra isə jurnalistlər üçün mətbuat konfransı keçirilib.

Reks Tillerson Moskva səfərində diqqət çəkən məqamlardan biri də, bu idi ki, Rusiya prezidenti Vladimir Putinin jesti olub. Çünki əvvəlcədən bildirilmişdi ki, Putin Reks Tillersonu qəbul etməyəcək. Lakin nazirlərin görüşündən sonra, ölkə rəhbərliyi fikrini dəyişib. Putin Reks Tillersonu və Sergey Lavrovu Kremldə qəbul edib.

Ziya Səccad
Ölkə.Az