Suriyada ilk dəfə olaraq günəş enerjisi ilə işləyəcək xəstəxana açılıb

“Ölkə.Az” xəbər verir ki, xəstəxana ilk vaxtlar test məqsədilə fəaliyyət göstərəcək. Əgər bu müddətdə yoxlamalar uğurla başa çatarsa, ölkənin bir çox ərazilərində belə müəssisələr inşa ediləcək.

Qeyd edək ki, Suriyada gedən vətəndaş müharibəsi zamanı ölkənin elektrik infrastrukturu iflic olub. Bu səbəbdən də, ölkədəki xəstəxanalar dizel generatorları ilə çalışır. Bu da orada yatan ağır xəstələrin həyatı üçün böyük risqdir. İnşa edilən yeni xəstəxana dizel yanacağından asılılığı da azaldacaq. Həm də, bu əlavə xərclərdən azad olmaq deməkdir.

Təhlükəsizlik məqsədilə yeni tikilən günəş enerjisilə işləyəcək xəstəxananın dəqiq ünvanı açıqlanmayıb. Həmin xəstəxanada həmçinin dizel yanacağı ilə işləyən generatorlar da olacaq. Lakin xəstəxananın əsas enerjisi günəş şüaları vasitəsilə təmin olunacaq. Xəstəxanada 480 günəş şüalarını enerjiyə çevirmək xüsusiyyətinə çalik panellər quraşdırılıb. Bunun sayəsində də, xəstəxananın reanimasiya və əməliyyat otaqları 24 saat enerji ilə təmin ediləcək.

Bu xəstəxananın uğurla sınaqdan çıxması ölümlə-həyat arasında bir körpü kimi olacaq. Əgər hər şey yaxşı nəticələnərsə, 2018-ci ildə Suriyada günəş enerjisi ilə işləyəcək 5 xəstəxana da tikiləcək. 

Ziya Səccad
Ölkə.Az