Türk ordusu İraqdakı PKK düşərgələrini bombaladı
Türkiyə hərbi hava qüvvələri şimali İraqda PKK mövqelərinə zərbələr endirib.
"Ölkə.Az" xəbər verir ki, zərbələr nəticəsində PKK-nın 6 terrorçusu məhv edilib.
"Reuters"in məlumatına əsasən, şimali İraqın Türkiyə ilə sərhədindəki PKK düşərgələri bombalanıb. Türkiyə ordusunun mətbuat xidməti bildirib ki, məhv edilən terrorçular ölkədə terror aktı törətməyə hazırlaşırmışlar.
Türk ordusu müntəzəm olaraq PKK-nın İranın şimali-qərbindəki mövqelərinə hücum edir. Ankaranın verdiyi xəbərə görə, burada silah anbarları yerləşir.
Məhz bu anbarlardan Türkiyəyə silah və partlayıcı maddə daşınır. Bundan başqa mövqelər kürd terrorçuları üçün təlim düşərgəsi rolunu oynayır.
Hikmət
Ölkə.Az
