Rusiyada məşhur ekstrasensin meyiti tapıldı

"Ölkə.Az" xəbər verir ki, bu barədə Rusiyanın hüquq-mühafizə orqanlarının əməkdaşları məlumat veriblər. Verilən məlumata görə, mənzillərin birində yaşı təxminən 30 olan qadın meyiti tapılıb. Araşdırmalar zamanı həmin şəxsin  İlona Novoselova olduğu məlum olub.

İ. Novoselovanın meyiti tapılan ev paytaxt Moskvada yerləşir. Qadının meyitinin üzərində cinayət xarakterli əlamətlərin olması barədə isə məlumat verilməyib. Polisdən deyiblər ki, faktla bağlı araşdırmalara başlanılıb. Araşdırmalardan sonra hadisə barədə ətraflı məlumatlar veriləcək.

Qeyd edək ki, İ. Novoselova proqramda 2008-ci ildə iştirak edib. O, finala qədər gələrək sonra öz xahişi ilə proqramdan ayrılıb. Bunu isə ruhların onun proqramda iştirak etməsini istəməməsi ilə əlaqələndirib.

Ziya Səccad
Ölkə.Az