Ərdoğan haqqında yazılan kitab plaqiat çıxdı

Rəcəb Tayyib Ərdoğan onun haqqında yazılan romana görə müəllifə qəzəbləndi

Fehmi Demirağın Türkiyənin prezidenti Rəcəb Tayyib Ərdoğanın gənclik illərindən bəhs edən "Kasımpaşalı: Ben Bu Oyunu Bozarım"adlı romanı plaqiat çıxıb.

Ölkə.az türk mediasına istinadən xəbər verir ki, romanın üz qabığına "Tatar Ramazan" filminin afişasında yer alan şəkil eyniylə əlavə olunub.

Belə ki, edilən dəyişiklik "Tatar Ramazan" filmində rol alan Bülent İnalın bədəninin üzərinə Rəcəb Tayyib Ərdoğanın başı yerləşdirilməsi ilə kifayətlənib.

İşin ən maraqlı tərəfi isə ondadır ki, romanın təqtimatında kitabın dizaynının orjinal olduğu və bu dizaynın məhz bu kitab üçün hazırlandığı yazılıb.

Qeyd edək ki, romanın üz qabığının plaqiat olmasından xəbər tutan Rəcəb Tayyib Ərdoğanın baş verənlərə görə, romanın müəllifinə qəzəbləndiyi bildirilir.

Fatimə

Ölkə.az