Qadınların 40 yaşdan yuxarı qida rasionuna diqqət yetirməməsi hansı fəsadlara səbəb olur

40 yaşdan yuxarı insanların orqanizmində bir sıra fizioloji proseslər başlayır ki, bu da insanda  kökəlməyə səbəb olur. Ona görə də 40 yaşdan yuxarı insanlar, xüsusən də qadınlar qida rasionuna diqqət yetirməlidir. 

“Ölkə.Az”  bununla bağlı dietoloq Yelena Kalenin məsləhətlərini oxucuların diqqətinə çatdırır.

Dietoloq bildirib ki, 40 yaşdan yuxarı olanlar qida rasionuna bacardıqları qədər diqqət yetirməlidir. Əks təqdirdə artıq çəkidən xilas olmaq çətin olur. O, eyni zamanda bildirib ki, ciddi diyetik qaydalardan da uzaq durmalıdırlar. Çünki ağır diyeta hormonal dəyişiklik fonunda  metobolizm zəifləyir. Odur ki, 40 yaşdan yuxarı qadınlar qida rasionuna daha çox  təzə tərəvəzlər, balıq və çoxlu su içməyi əlavə etməlidir. Onu da qeyd etmək lazımdır ki, illər keçdikcə qadın orqanizmindəki estroqenin miqdarı düşür.

Xüsusi qeyd: Estrogenlər – steroid tipli qadın cinsi hormonları olub, əsasən yumurtalıqlarda sintez olunur. Onlar mayalanma və hamiləliyin sona qədər çatdırılması, ikincili cinsi əlamətlərin formalaşması, menstrual siklin müntəzəm olmasına cavabdehdir.

Estrogenlərin qadın orqanizmi və sağlamlığına təsiri böyükdür. Bu hormonların əmələ gəlməsindəki bütün dəyişikliklər ümumi əhvalın pisləşməsinə, emosional vəziyyətin qeyri-stabil olmasına, menstrual sikl və nəticə olaraq mayalanma qabiliyyətinin pozulmasına gətirir.

Estrogenlər başqa hormonlardan – testosteron və androstendiondan sintez olunur. Testosterondan estradiol, androstendiondan isə estron sintez olunur. Bu biokimyəvi reaksiyalar yumurtalığın normal funksionallığında mümkündür. Estrogenlərin müəyyən miqdarı böyrəküstü vəzlərin qabıq maddəsi, piy toxuması, cift (hamiləlik vaxtı), qaraciyər, baş beyin və əzələlərdə istehsal olunur.
Artıq 40 yaşdan sonra yumurtalıqların fəaliyyətinin təbii sönməsilə əlaqədar, qadın orqanizmində hormonal dəyişikliklər başlayır. Hormonun qanda miqdarı azalır, hansı ki, siklin qeyri-requlyar və aybaşının azqanlı olmasına gətirir. Təxminən 44-45 yaşlarda konsentrasiya kritik həddə qədər enir və bu zaman menstruasiya tamamilə kəsilir, daxili cinsiyyət orqanlarının ölçüləri kiçilir və yumurtalıqlar işini dayandırır. Bunun mənfi xüsusiyyəti onunla əlaqədardır ki, orqanizm hormonların defisitini kompensasiya etmək üçün intensiv piy yığmağa başlayır.
O baxımdan da estrogen hormonunun bərpası üçün daha çox alma, ərik, nar, balıq, dəniz məhsulları, quç əti, lobya, noxud, badımcan, kərəviz, ispanaq istifadə edilməlidir. 

Dietoloq eyni zamanda hormonal fonu qoruyub saxlamaq üçün yulaf, çovdar, qəhvəyi düyü, arpa və kəpək kimi məhsulları əlavə etməlidir. 

Mürtəza 
Ölkə.Az