Telefona çox baxan uşaqlarıın gözlərini necə qoruyaq? - AÇIQLAMA
"İndi hər şeyə o qədər yaxın məsafədən baxırıq ki, miyopiya formalaşır. Ümumiyyətlə, 3 yaşına qədər uşaq telefonla tanış olmamalıdır".
Bu sözləri Ölkə.Az-a müsahibəsində pediatr Aytən İsmayılzadə deyib. O bildirib ki, uşaqların gözləri vaxtında yoxlanılmalıdır:
"Uşaqların gözü həm doğulanda, həm də bir yaşından sonra müayinə edilməlidir. Digər bir məsələ də odur ki mobil telefon uşaqlara dəqiqə ilə verilməlidir. Üç 20-lik qaydası var. Telefona, kompüter və ya televizora baxan uşaq hər 20 dəqiqədən bir 20 metr uzaqdakı bir şeyə 20 saniyə baxmalıdır. Əgər uşaq onlayn dərslərə qoşulursa, yaxın məsafədən nəyinsə istifadəsi məcburidirsə, bu formada göz məşqi etmək olar. Bu məşqi həm uşaqlar, həm də böyüklər edə bilər".
Billurə Yunus
