Saç düzləşdirici vasitələr xərçəng riskini artırır - ARAŞDIRMA

Ölkə.Az xəbər verir ki,ABŞ-da aparılan bu araşdırma saç düzləşdirən məhsullar və xərçəng arasında əlaqənin ilk epidemioloji sübutu kimi tibbi ədəbiyyata daxil edilib.

ABŞ Milli Ətraf Mühit Sağlamlığı Elmləri İnstitutundan bir qrup alim tərəfindən bazar ertəsi “Milli Xərçəng İnstitutunun Jurnalında” dərc edilən araşdırma qadınların əksəriyyəti üçün həyati əhəmiyyət kəsb edən bir həqiqəti üzə çıxarıb.

Müxtəlif irqlərdən olan 35-74 yaş arası 33 497 ABŞ qadınını tam 11 il ərzində izləyən araşdırmaya görə, kimyəvi saç düzləşdirici vasitələrdən istifadə edən qadınların uşaqlıq yolu xərçənginə tutulma ehtimalı digərlərinə nisbətən 2,5 dəfə çoxdur.

Tədqiqat rəhbəri Aleksandra Vayt açıqlamasında bu sözləri deyib:

“Saç düzləşdirici vasitələrdən istifadə etməyən qadınların yalnız 1,64%-nin 70 yaşına qədər uşaqlıq xərçənginə tutulacağını təxmin edirik, lakin saç düzləşdirici vasitələrdən tez-tez istifadə edənlərdə bu risk 4,05%-ə yüksəlir”- o bildirib.

11 il ərzində 33.000-dən çox qadını izləyən tədqiqatçılar bu müddətdə 378 qadının uşaqlıq yolu xərçənginə tutulduğunu müşahidə ediblər.

Xəstəliklərə Nəzarət və Qarşısının Alınması Mərkəzlərinə (CDC) görə, uterus xərçəngi ABŞ-da ən çox görülən ginekoloji xərçəngdir və xüsusilə qaradərili qadınlar arasında daha çox yayılıb.

Tədqiqatda saç düzləşdiricilərlə uşaqlıq xərçəngi arasındakı əlaqə irqə görə fərqlənmir, lakin qaradərili qadınların saç düzləşdirici məhsullarından digər qadınlara nisbətən daha çox istifadə etdiklərinə diqqət çəkir.

Fidan