Az su içənlərin mütləq bilməli olduğu faktlar

"Ölkə Az" xəbər verir ki, bu sözləri həkim Günay İsmayılova deyib.

Onun sözlərinə görə, bədən susuz qaldıqda bunu müxtəlif siqnallarla göstərməyə başlayır:

"Orqanizm susuz qaldıqda ilk təsiri beyin hiss edir. Diqqət azalır, gərginlik artır, baş ağrıları yarana bilir. Bəzən insanlar bunu sadəcə yorğunluq hesab edir.

Susuzluq ürəyə və təzyiqə də təsir edə bilər. Ürək daha sürətli işləyir, başgicəllənmə və təzyiq dəyişiklikləri yarana bilir. Xüsusilə isti havalarda bu hallar daha çox müşahidə olunur.

Böyrəklər də siqnal verir. Kifayət qədər maye qəbul edilmədikdə, sidik rəngi tündləşə bilər, ağız quruluğu yarana bilər, halsızlıq arta bilər. Bu əlamətləri uzun müddət görməzdən gəlməyin.

Bəzən sadə görünən simptomların arxasında başqa səbəblər də ola bilər. Tez-tez baş ağrısı, təzyiq dəyişiklikləri və ya halsızlıq yaşayırsınızsa, mütəxəssis müayinəsi vacibdir".

Həmidə İbrahimova