Azərbaycanda son 30 ildə bu xəstəlik aşkarlanmayıb - RƏSMİ
Azərbaycanda son 30 il ərzində insanlarda Krım-Konqo xəstəliyi aşkar olunmayıb.
Bu barədə Ölkə.az-ın sorğusuna cavab olaraq, Səhiyyə Nazirliyinin Xüsusi Təhlükəli İnfeksiyalara Nəzarət Mərkəzindən bildirilib.
Qeyd olunub ki, Krım-Konqo xəstəliyinin Azərbaycanda yayılma ehtimalı yoxdur:
“Bu xəstəlik ölkəmiz üçün endemik hesab edilmir”.
Qeyd edək ki, iyunun 17-də Türkiyənin Sivas bölgəsində Krım-Konqo qızdırmasından 5 nəfər ölüb. Məlumata görə, xəstəxanaya müraciət edən 38 nəfərədən 26-da Krım-Konqo qızdırması aşkarlanıb.
Xatırladaq ki, Krım-Konqo qanamalı qızdırması (KKQ) yoluxmuş gənələrin dişləməsi və ya virusa yoluxmuş insan və heyvanlarla birbaşa təmas nəticəsində insanlara keçən təhlükəli virus mənşəli xəstəlikdir. Virus əsasən Hyalomma cinsinə aid gənələrin dişləməsi nəticəsində yayılır.
Həmidə İbrahimova
