“Stratfor” Mərkəzi: Bakı-Ankara-İrəvan sülhü imzalamadan...

Ölkə.az xəbər verir ki, bu barədə ABŞ-nin “Stratfor” Mərkəzinin analitik qrupunun hazırladığı hesabatda bildirilib.

Qeyd olunub ki, Baş nazir Nikol Paşinyanın partiyası konstitusiyanı müstəqil şəkildə dəyişdirmək üçün parlamentdə kifayət qədər mandata malik deyil.

“Çox güman ki, Ermənistan Azərbaycanın konstitusiya dəyişiklikləri tələblərini yerinə yetirməyəcək. Rusiyanın Cənubi Qafqazdakı zəifləyən təsirindən istifadə etməyə çalışan Türkiyə mövcud vəziyyətdən sui-istifadə etməyə çalışacaq və Azərbaycanı Paşinyanın yenilənmiş mandatını sülh sazişinə doğru irəliləmək üçün bir fürsət kimi görməyə vadar edə bilər, eyni zamanda Ermənistana konstitusiya dəyişiklikləri tələbini təxirə sala bilər”, - hesabatda yazılıb.

Mərkəzin analitiklərinin fikrincə, alternativ ssenariyə görə, İrəvan, Bakı və Ankara bu rübdən Ermənistan-Azərbaycan sülh müqaviləsi imzalamadan belə, fərdi sərhəd keçid məntəqələrinin, quru və hava yollarının, tranzit əlaqələrinin fəaliyyətini genişləndirmək üçün istifadə edə bilərlər:

“Bu, normallaşma prosesinin impulsunu qoruyub saxlayacaq. Əgər Paşinyan Avropa inteqrasiyasına yüksək səviyyədə ictimai dəstək nəzərə alınmaqla, Avropa İttifaqına inteqrasiya gündəliyi ilə bağlı daha geniş referendumda populyar olmayan konstitusiya dəyişikliklərini daxil edə biləcəyini göstərərsə, Moskvanın müdaxiləsi daha da güclənəcək”.

Mürtəza