Beynəlxalq institut Azərbaycandakı seçkilərlə bağlı beynəlxalq seminar keçirdi
MDB Parlamentlərarası Assambleyasının (PA) Demokratiyanın, parlamentarizmin inkişafının və vətəndaşların seçki hüquqlarına riayət olunmasının monitorinqi Beynəlxalq institutunun Bakı filialı tərəfindən Xaçmaz şəhərində “Gənclər seçir və seçilir” adlı beynəlxalq seminar keçirilib.
“Ölkə.Az” xəbər verir ki, seminarda MDB PA Şurasının Katibliyi və onun Demokratiyanın, parlamentarizmin inkişafının və vətəndaşların seçki hüquqlarına riayət olunmasının monitorinqi Beynəlxalq institutunun nümayəndələri və ekspertləri, qonaqlar, Milli Məclisin deputatları, Azərbaycanın Mərkəzi Seçki Komissiyasının üzvü, Gənclər və İdman Nazirliyinin və bir sıra dövlət qurumlarının əməkdaşları iştirak ediblər.
Seminarda Azərbaycanın içtimai-siyasi həyatında gənclərin iştirakının xüsusiyyətləri, tendensiyaları və perspekriv imkanları müzakirə edilib.
Seminarın mövzusuna uyğun olaraq müzakirələr aparılıb və MDB PA DİMBİ Bakı filialının hazırladığı əyani vasitələr seminar iştirakçılarına paylanılıb.
Vasif Həsənli
Ölkə.Az
