Məzahir Pənahov prezident seçkilərinə müdaxilədən danışdı

 “Ölkə.Az” xəbər verir ki, Pənahov bəyan edib ki, Azərbaycanda keçiriləcək prezident seçkilərinə müdaxilənin olmamasını demək sadəlövhlük olar.

“Əgər seçkilərə müdaxilənin olmadığını desək, bu yumşaq dillə desək, sadəlövhlük olar. Təəssüf hissi ilə qeyd edirik ki, bu gün seçkilərə müdaxilə dünyamızın reallığına, normasına çevrilib”, - deyə MSK sədri bildirib.

Bununla yanaşı, Pənahov seçki prosesinə müdaxilə etməyi planlaşdıranlara cəhd etməməyi məsləhət görüb. MSK sədri qeyd edib ki, əvvəlki illərdə bu tip müdaxilələr uğursuzluğa düçar olub. Çünki onların sosial bazası olmayıb, bu isə ciddi faktordur.

Pənahov seçki kampaniyasında ciddi qanun pozuntularının olmadığını bildirib.

Qeyd edək ki, Azərbaycanda prezident seçkiləri 11 aprel tarixində keçiriləcək. Ölkə başçısı postu uğrunda 8 namizəd yarışacaq: Prezident İlham Əliyev, Qüdrət Həsənquliyev, Araz Əlizadə, Fərəc Quliyev, Razi Nurullayev, Hafiz Hacıyev, Zahid Oruc və Sərdar Məmmədov.

Hikmət Həsənov
Ölkə.Az