Deputat: Nobel mükafatı alan tanıyırıq ki, hansı xidmətə görə aldıqlarını izah edə bilmirlər

“Azərbaycan Prezidenti cənab İlham Əliyevin Gernika sülh mükafatı ilə təltif edilməsində, fikrimcə, diqqət yetirilməli üç mühüm məqam var. Onlardan birincisi budur ki, böyük güclərin qarşı çıxmasına rəğmən dünyanın ən mürəkkəb regionunda, ən uzun sürən münaqişələrdən birinə son qoyulmasında fövqəladə qətiyyət və fədakarlıq göstərmiş bir lider bu mükafata layiq görülüb”.

Ölkə.az xəbər verir ki, bunu deputat Sahib Alıyev deyib.

Onun sözlərinə görə, yoxsa biz nə qədər Nobel sülh mükafatı alan tanıyırıq ki, onların buna hansı xidmətlərinə görə layiq görüldüklərini layiq görənlər özləri belə əsaslandırmağa çətinlik çəkərlər. “Elələrindən biri də cənab İlham Əliyevin həll etdiyi münaqişənin yaranmasının baiskarlarından olan Mixail Qorbaçov idi.
İkinci yaxşı hal odur ki, bu mükafat Qərbdə də bizim regionda sözdə yox, doğrudan real sülh istəyənlərin olduğunu üzə çıxardı.

Daha bir diqqətçəkən məqam isə ondan ibarətdir ki, cənab İlham Əliyevə Gernika sülh mükafatı verilməklə yanaşı, o, bu mükafatı başqa birinə də verdirtdi. O da Ermənistanın baş naziri Nikol Paşinyandır. Nikol Paşinyan özü də bilir ki, bu sülhün davasını kim aparıb, kimlərə qarşı aparıb və həmin davanın başlanğıcında o özü harada idi? İstənilən halda, əgər Azərbaycan Prezidentinin yaratdığı sülhlə razıdırsa, bunun ölkəsi üçün də nə dərəcədə önəmli olduğunu dərk edirsə, lap yaxşı, o da alsın o mükafatı. Hər halda Nikol Paşinyan aldığı sülh mükafatına Qorbaçov kimilərdən daha çox haqq edir”.

Mürtəza